Luchungechunge lwekutsengisa lwebalimi labancane ?
Kwehlukanisa kwemfuyo
LITIKO: TEKULIMA
Kukhetsa imfuyo letawutsengiswa
Uma ngabe uhlela kutsengisa imfuyo yakho tibute lombuto lolandzelako: ?Kungani ngifuna kutsengisa imfuyo yami ngalesikhatsi lesi??
Nati tibonelo letingaba tizatfu sekutsengisa:
Letimfuyo setilungele kutsengiswa futsi setinoniswe kahle kutsi tingahlatjwa.
Tikhule kahle kutsi tingatsengwa ngumdlisi kutinonisela kuhlatjwa.
Letimfuyo tite inzuzo ikakhulukati leti lesetikhulile setingasatali.
Kute kudla lokwanele epulazini kwekudlisa lemfuyo.
Khetsa umhlambi wekutala lotawusala bese utsengisa letinsalela ngaphambi kwekutsi tikhule kakhulu nobe kubite kakhulu kutigcina.
Luhlelombiso lwekwehlukanisa
Luhlelombiso lwekwehlukanisa luncunywa ngeminyaka, kunona, umtimba, kulimala nangebulili. Ungalindzela intsengo lenhle yesilwane lesesimeni semphilo lenhle, lokungenani phakatsi kwetigaba A na-B, tingondzi kakhulu futsi tinganoni kakhulu futsi letiphakuliwe (tinkhabi). AB titsatsa intsengo lencane kantsi C ngulencane kakhulu.
Umtimba kanye nemaphuzu esimo
Umtimba ngulendlela lukhakhayi lume ngakhona nekuchaza kwelamalamana phakatsi kwenyama nematsambo. Emaphuzu esimo entiwa ngekulinganisa kunona kwemfuyo.
Kunona
Kunona kwenyama yenkhomo, yemvu, nayembuti yehlukaniswa ngemakhodi kusuka ku-0 kuya ku-6.
Budzala nesigaba
Sigaba sincunywa ngekubuka ematinyo.
Kulimala
Kulimala kwelukhakhayi lokwenteka ngesikhatsi sekuhanjiswa kwemfuyo kwehlukaniswa ngaletigaba:
Kancane (Sigaba 1)
Emkhatsini (Sigaba 2)
Kakhulu (Sigaba 3)
Bulili
Bulili besilwane bubaluleke kuphela elukhakhayeni lwenkhunzi kanye nesiklabhu etigabeni AB, B na-C tebudzala.
Simo semaphuzu enkhomo.
Vani linani lemafutsa ngaphasi kwesikhumba elukhalo phakatsi kwengculu nelubhambo lwekugcina.
Ikhodi 1: kupatalele kakhulu
Ikhodi 2: Kupatalele
Ikhodi 3: Kusemkhatsini
Kulinganisa: Kulinganisa budzala benkhomo benkhomo ngekuyibuka ematinyo.
Sigaba A: ngaphasi kweminyaka lengu-2 (litinyo lebuntfwana kuphela)
Sigaba AB: ineminyaka lengu-21/2 budzala (1 kuya ku-2 wematinyo angaphambili)
Sigaba B: ineminyaka lengu-21/2 kuya ku-3 budzala (ngumatinyo langu-4 futsi ina 3 kuya 6 wematinyo angaphambili)
Sigaba C: ineminyaka lengu-4 budzala (ngumlomo logcwele lenematinyo landlula lasitfupha angaphambili)
Sigaba C: ineminyaka lengu-4 budzala (ngumlomo logcwele lenematinyo landlula lasitfupha angaphambili)
Sigaba A: ngaphasi kwemnyaka munye budzala (litinyo lebuntfwana kuphela)
Sigaba AB: 1 kuya 11/2 budzala (1 kuya ku-2 wematinyo angaphambili)
Sigaba B: ineminyaka lengu-2 budzala (ngumatinyo langu-4)
Sigaba B: ineminyaka lengu-21/2 budzala (ngumatinyo langu-6)
Sigaba C: minyaka lengu-21/2 budzala (ibitwa ngemlomo logcwele)
C sigaba: ematinyo lamadzala laphukile enkhomo lendzala
